Fargʻonada dars vaqti oʻquvchilarni teatrga olib borganlarga chora koʻriladi
Qoʻqonda maktab oʻquvchilarini teatrga olib borish boʻyicha maxsus reja-grafik tasdiqlangani, har bir oʻquvchidan 30 000 soʻmdan pul yigʻilayotgani hamda tomoshalar dars vaqti hisobidan tashkil etilayotgani boʻyicha xabar tarqaldi.
Fargʻonada dars vaqtida oʻquvchilarni teatrga jalb etganlarga chora koʻriladi.
Ijtimoiy tarmoqlarda “Dars muqaddas edimi yoki teatr biznesi?” sarlavhasi ostida tanqidiy xabar tarqaldi. Fargʻona viloyati MMTB holatga izoh berdi.
Unda Qoʻqon shahar Maktabgacha va maktab taʼlimi boʻlimi tomonidan shahardagi umumtaʼlim maktablari oʻquvchilarini Musiqali drama teatriga olib borish boʻyicha maxsus reja-grafik tasdiqlangani, har bir oʻquvchidan 30 000 soʻmdan pul yigʻilayotgani hamda tomoshalar dars vaqti hisobidan tashkil etilayotgani haqida soʻz yuritilgan.
Holat yuzasidan Fargʻona viloyati Maktabgacha va maktab taʼlimi boshqarmasi izoh berdi.
Oʻquvchilarni dars vaqtida teatrga jalb qilish holati oʻrganildi va toʻxtatildi.
Holat yuzasidan boshqarma tomonidan oʻrganish ishlari davom etmoqda.
"Oʻrganish yakunlari boʻyicha xatolikka yoʻl qoʻygan hamda vaziyatga befarq munosabatda boʻlgan masʼul va mutasaddilarga nisbatan tegishli choralar koʻrilishini maʼlum qilamiz", deyiladi boshqarma xabarida.
