Turkiya kemasiga berilgan zarba oqibatida Ozarbayjon fuqarolari halok boʻldi
Fuqarolik kemasiga Rossiya droni tomonidan zarba berilgan. Kemada Hindiston fuqarolari ham boʻlgan.
Turkiya kemasiga berilgan zarba oqibatida Ozarbayjon fuqarolari halok boʻldi.
Qora dengizda Turkiyaga tegishli, makkajoʻxori tashib ketayotgan fuqarolik kemasiga Rossiya droni tomonidan zarba berilgan. Kemada Ozarbayjon va Hindiston fuqarolari boʻlgan. Halokat oqibatida 3 nafar ekipaj aʼzosi, jumladan kema kapitani halok boʻlgan, yana 1 kishining taqdiri aniqlashtirilmoqda. 11 nafar dengizchi qutqarilib, ulardan 1 tasi jarohatlangan.
Ukraina Prezidenti Vladimir Zelenskiy xalqaro suvlarda ikkita Rossiya dronlari tomonidan zarba berilgan makkajoʻxori tashiyotgan Turkiya yuk kemasi ekipaji tarkibida Ozarbayjon va Hindiston fuqarolari borligini eʼlon qildi. Zelenskiy bu haqda ijtimoiy tarmoqlarda yozgan.
Uning soʻzlariga koʻra, hujumda kema kapitani halok boʻlgan. Yana bir ekipaj aʼzosining taqdiri hali ham tekshirilmoqda. Oʻn bir ekipaj aʼzosi qutqarilgan, ulardan biri jarohat olgan.
Prezident Ukraina Qora dengizda vaziyatni yumshatish va navigatsiya xavfsizligini taʼminlash boʻyicha bir necha bor aniq choralar taklif qilganini taʼkidladi.
Zelenskiy global oziq-ovqat xavfsizligini tiklash uchun Rossiyaga bosim oʻtkazishga chaqirdi va barcha manfaatdor tomonlar navigatsiya xavfsizligini taʼminlashga hissa qoʻshishi kerakligini taʼkidladi.
