Mashhur bloger MrBeast Oʻzbekistonga keladi
Jimmi Donaldson Youtube tarmogʻida 500 mln obunachisi bilan videoxostingdagi eng mashhur bloger hisoblanadi. 9 oktabr kuni u Toshkentda boʻlib oʻtadigan jamoatchilik dasturida ishtirok etadi.
MrBeast Toshkentdagi jamoatchilik tadbiri uchun Oʻzbekistonga tashrif buyuradi.
“MrBeast” nomi bilan tanilgan Jimmi Donaldson Oʻzbekiston Madaniyat va sanʼatni rivojlantirish jamgʻarmasi taklifiga binoan Oʻzbekistonga tashrif buyuradi. Bu haqda jamgʻarma sahifasida xabar berildi.
9 oktabr kuni u Toshkentda boʻlib oʻtadigan jamoatchilik dasturida ishtirok etadi.
Tadbirga kirish bepul. Ishtirokchilar kompyuter orqali tasodifiy saralash tizimi yordamida roʻyxatdan oʻtganlar orasidan tanlab olinadi. Unda Toshkentdagi tadbirda shaxsan qatnasha oladigan 18 yoshdan oshgan shaxslar ishtirok etishlari mumkin.
Jamgʻarma ushbu tadbir haqidagi yagona rasmiy maʼlumot manbai hisoblanadi. Roʻyxatdan oʻtish allaqachon boshlangan va u ushbu havola orqali mavjud.
Eslatib oʻtamiz, mazkur bloger Youtube tarmogʻida 500 mln obunachisi bilan videoxostingdagi eng mashhur bloger hisoblanadi.
MrBeast oʻzining katta mablagʻ sarflanadigan, murakkab sahna ijrolari va katta sovrin jamgʻarmalariga ega keng koʻlamli video loyihalari bilan tanilgan.
