Saida Mirziyoyeva Toshkent arxitektura-qurilish universiteti faoliyati bilan tanishdi
Universitet maʼmuriy boshqaruv, oʻquv va ilmiy jarayonlarga raqamli texnologiyalarni faol joriy etmoqda. Dual taʼlim rivojlantirilib, ilmiy ishlanmalar tijorat loyihalariga, talabalar shaharchasi esa ilgʻor innovatsion yechimlar maydoniga aylantirilmoqda.
Prezident Administratsiyasi rahbari Saida Mirziyoyeva Toshkent arxitektura-qurilish universiteti faoliyati bilan tanishdi.
Hozirgi kunda oliygohda 4 ta taʼlim yoʻnalishi boʻyicha oʻn mingga yaqin talaba tahsil olmoqda.
Universitet maʼmuriy boshqaruv, oʻquv va ilmiy jarayonlarga raqamli texnologiyalarni faol joriy etmoqda. Dual taʼlim rivojlantirilib, ilmiy ishlanmalar tijorat loyihalariga, talabalar shaharchasi esa ilgʻor innovatsion yechimlar maydoniga aylantirilmoqda.
«Yurtimiz shaharlari zamonaviy va yashil makonga oʻz-oʻzidan aylanib qolmaydi. Buning uchun keng fikrlaydigan, noanʼanaviy gʻoyalarni ilgari suradigan, ekologik barqaror arxitektura va muhandislik yechimlarini ishlab chiqadigan hamda ularni amaliyotga tatbiq eta oladigan yangi avlod arxitektorlari, loyihachilari va muhandislarini tarbiyalash juda muhim», deya taʼkidlaydi Saida Mirziyoyeva.
