Rossiyada vabodan vafot etgani aytilgan bemorga rasmiy tashxis qoʻyildi
Rospotrebnadzor keng koʻlamli test natijalariga koʻra, bemorning namunasida uning kasbiy faoliyati bilan bogʻliq mikroorganizmlar topilmaganini taʼkidladi. Institutda patogen mikroorganizmlar bilan ishlash bilan bogʻliq hech qanday favqulodda vaziyatlar aniqlanmagan.
Rossiyaning Irkutsk viloyatidagi Vaboga qarshi institut xodimiga nomaʼlum etiologiyali pnevmoniya tashxisi qoʻyildi, deb xabar berdi Rospotrebnadzor (Isteʼmolchilar huquqlarini himoya qilish va inson farovonligini nazorat qilish federal xizmati).
Agentlik maʼlumotlariga koʻra, test natijalari namunada ayolning kasbiy faoliyati bilan bogʻliq mikroorganizmlar yoʻqligini koʻrsatdi.
2 oktabr kuni bir nechta Telegram kanallarida Vaboga qarshi institut xodimining pnevmonik vabodan oʻlgani haqida xabar berilgan.
Rospotrebnadzor keng koʻlamli test natijalariga koʻra, bemorning namunasida uning kasbiy faoliyati bilan bogʻliq mikroorganizmlar topilmaganini taʼkidladi.
Tashkilot maʼlumotlariga koʻra, institutda patogen mikroorganizmlar bilan ishlash bilan bogʻliq hech qanday favqulodda vaziyatlar aniqlanmagan. Agentlik Irkutsk viloyatidagi, xususan, Irkutsk va Shelexovdagi sanitariya-epidemiologik vaziyatni barqaror deb taʼrifladi.
Avvalroq OAVda Irkutsk viloyatida 27 yoshli qiz vabo yuqtirgani gumon qilinib vafot etgani haqida xabar berilgan edi. Shundan soʻng Oʻzbekiston chegarada epidemiologik nazorat kuchaytirilgani maʼlum qilindi.
