"Afgʻonistonda vaziyat yaxshilandi deb ishonch bilan ayta olmaymiz" — bojxona qoʻmitasi vakili

Bojxona qoʻmitasi matbuot kotibi Husan Tangriyevning aytishicha, Afgʻonistondan Oʻzbekistonga koʻp miqdorda narkotik moddalar olib kirishga urinishlar davom etmoqda.

Joriy yilda afgʻon qozonlari ichida bir necha yuz kilogramm gashish olib kirishga urinish aniqlangan.

Oʻtgan yili esa 612 kilogramm giyohvandlik moddalari supurgi dastaklari ichiga yashirilgan holda olib kirilishiga urinish boʻlgan.

Bojxona qoʻmitasi vakiliga koʻra, hozirda bironta yoʻnalishni xavfsiz deb boʻlmaydi.

"Avval xavf qayerdan kelishini bilardik. Hozir vaziyat unday emas. Masalan Germaniyadan 6 kg sintetik giyohvand modda boks qoʻlqoplarida yuborilgan. Mefedron moddasi bir dozasi 0,02 mg boʻladi. 6 kg miqdor oʻn minglab odamlarri zaharlashi mumkin" —deydi Husan Tangriyev.