Maxsus komissiya Toshkentda chang-toʻzonli ob-havodan ogohlantirdi
Prognozlarga koʻra, shamol tezligi 3–8 m/s gacha, ayrim hududlarda esa 10–14 m/s gacha kuchayishi ehtimoli mavjud. Kuchaygan shamol taʼsirida ayrim joylarda chang-toʻzonlar yuzaga kelishi mumkin.
Maxsus komissiya bugun yomgʻirdan oldin Toshkent shahrida qisqa muddatli chang-toʻzonlar kuzatilishi mumkinligi haqida ogohlantirdi.
Global ob-havo modellari hamda Oʻzgidromet prognozlariga koʻra, bugun Toshkent shahri hududida nam havo massalari kirib kelishi oldidan qisqa muddatli chang-toʻzon hodisalari kuzatilishi mumkin.
Prognozlarga koʻra, shamol tezligi 3–8 m/s gacha, ayrim hududlarda esa 10–14 m/s gacha kuchayishi ehtimoli mavjud. Kuchaygan shamol taʼsirida ayrim joylarda chang-toʻzonlar yuzaga kelishi mumkin.
Ushbu jarayonlar natijasida atmosfera havosida chang zarrachalari miqdori, ayniqsa, PM10 konsentratsiyasi qisqa muddatga ortishi kuzatiladi.
Hozirda atmosfera havosi sifati Maxsus komissiya tomonidan doimiy monitoring qilinmoqda.
