Yangihayotda qurilayotgan masjidda yongʻin chiqdi
Masjid binosining gumbaz qismida penopoliuritan yonib zararlangan. Jarohat olganlar yoʻqligi aytildi.
Bugun, 3 oktabr kuni Toshkent shahar Yangihayot tumani, Sergeli 4-dahasida joylashgan yangi qurilayotgan masjid binosining gumbaz qismida yongʻin chiqqan.
FVV xabariga koʻra, 3 oktabr kuni Sergeli 4-dahasida masjid binosining gumbaz qismi tutayotgani toʻgʻrisida xabar kelib tushgan.
Xabarga koʻra, qutqaruv ekipajlari voqea joyiga zudlik bilan yetib borib, vaziyat Toshkent shahar FVBB tomonidan toʻliq nazoratga olingan.
Masjid binosining gumbaz qismida penopoliuritan yonib zararlangan, yongʻin soat 12:04 da oʻchirildi.
Hodisa natijasida tan jarohati olganlar yoʻq.
