Qibrayda ustoz jurnalistlar uchun madaniy tadbir tashkil etildi
Tadbirning muhim jihati — uzoq yillar jurnalistika sohasida faoliyat yuritgan ustozlar bir davrada jam boʻlib, mamlakatimizda kechayotgan yangilanish jarayonlari yuzasidan fikr almashdi. Oʻzbekistonda kechayotgan ochiqlik siyosatining amaliy natijalari alohida eʼtirof etildi.
Oʻzbekiston Jurnalistlar uyushmasi tomonidan 1 oktabr — Oʻqituvchi va murabbiylar kuni munosabati bilan “Taʼzim sizga, ustozlar” nomli madaniy-maʼrifiy tadbir tashkil etildi.
Qibray tumanidagi Nuroniylar markazida boʻlib oʻtgan tadbirga uzoq yillar jurnalistika sohasida samarali mehnat qilgan ustoz jurnalistlar, ommaviy axborot vositalari xodimlari taklif etildi.
Tadbirni Oʻzbekiston Jurnalistlar uyushmasi raisi Shuhrat Oripov ochib berdi. U oʻz soʻzida mamlakatimizda matbuot va OAVga berilayotgan eʼtibor, ustoz va murabbiylarning soha rivojidagi oʻrni haqida toʻxtaldi.
Tadbirning yana bir muhim jihati — uzoq yillar jurnalistika sohasida faoliyat yuritgan ustozlar bir davrada jam boʻlib, mamlakatimizda kechayotgan yangilanish jarayonlari yuzasidan fikr almashdi. Xususan, “Nuroniy” jamgʻarmasi Respublika boshqaruvi raisi oʻrinbosari Sharof Ubaydullayev yurtimizda kechayotgan ochiqlik siyosatining amaliy natijalarini alohida eʼtirof etdi.
Uchrashuv davomida ustozlar hayotiy va kasbiy tajribalari bilan oʻrtoqlashib, yosh avlodga tilaklarini bildirishdi.
Kuy-qoʻshiqlar tadbirga yanada koʻtarinki kayfiyat bagʻishladi.
