Otabek Shukurov faoliyatini Yevropada davom ettiradi
Futbolchi avval BAAning “Baniyas” jamoasi sharafini himoya qilib kelayotgan edi.
Oʻzbekiston terma jamoasi yarim himoyachisi Otabek Shukurov faoliyatini Serbiyada davom ettiradi.
Surdulitsaning “Radnik” jamoasi rasman uning transferini eʼlon qildi.
30 yoshli futbolchi JChdan oldin BAAning “Baniyas” jamoasi sharafini himoya qilib kelayotgan edi.
Maʼlumot oʻrnida, “Radnik” ayni paytda 14 ochko bilan musobaqa jadvalida 7-oʻrinda bormoqda. "Srvena Zvezda" jamoasi chempionat yetakchisi sanaladi.
