"Men boʻlmaganimda Isroil va Saudiya Arabistoni yoʻq boʻlib ketardi" — Tramp

AQSh prezidenti Donald Tramp agar u Qoʻshma Shtatlar prezidenti boʻlmaganida "Isroil va Saudiya Arabistoni yoʻq boʻlib ketishi"ni aytdi.

​"Men Saudiya Arabistoni uchun koʻp ish qildim. Saudiya Arabistonini himoya qilaman. Agar men prezident boʻlmaganimda, ushbu davlat hozir mavjud boʻlmas edi, Isroil ham boʻlmas edi. Ular xaritadan oʻchirib tashlangan boʻlar edi", dedi u Time jurnaliga bergan intervyusida.

​Tramp Saudiya Arabistoni rahbariyati bilan ajoyib munosabatlarga ega ekanligini qoʻshimcha qildi.

"Ammo esingizda boʻlsin, agar men bu yerda boʻlmaganimda, Saudiya Arabistoni boʻlmas edi. Isroil ham boʻlmas edi", deb taʼkidladi Amerika prezidenti.

Eslatib oʻtamiz, soʻnggi vaqtda Saudiya va Yamandagi husiylar oʻrtasidagi vvaziyat keskinlashdi.