Koʻmir qachon va qayerdan sotiladi? Rasmiy bayonot berildi
Koʻmir omborlarga yetkazilgandan soʻng aholiga sotuv mycoal.uz elektron platformasi orqali tashkil etiladi. Sotuv sanasi, ombor manzili va mavjud koʻmir miqdori hududlar kesimida shu platformada ochiq eʼlon qilib boriladi.
2026 yilda aholi ehtiyojlari uchun 1 mln 530 ming tonna mahalliy koʻmir yetkazib berish rejalashtirilgan. Bu haqda "Oʻzbekkoʻmir" AJ xabar berdi.
Ayni paytda hududlarga koʻmirni taqsimlash va birja savdolariga chiqarish ishlari bosqichma-bosqich amalga oshirilmoqda. Andijon, Fargʻona va Namangan viloyatlari uchun dastlabki partiyalar tadbirkorlar tomonidan xarid qilingan, yetkazib berish ishlari davom etmoqda.
Koʻmir omborlarga yetkazilgandan soʻng aholiga sotuv mycoal.uz elektron platformasi orqali tashkil etiladi. Sotuv sanasi, ombor manzili va mavjud koʻmir miqdori hududlar kesimida shu platformada ochiq eʼlon qilib boriladi.
Aholidan koʻmir sotuvi haqidagi maʼlumotlarni faqat rasmiy manbalar va mycoal.uz orqali olish soʻraladi.
Ayni vaqtda hududlarda xonadonlar roʻyxatini shakllantirish va aholi ehtiyojlarini aniqlash ishlari davom etmoqda.
Xonadonlar ehtiyojini qisqa muddatlarda toʻliq shakllantirish koʻmirni hududlarga samarali taqsimlash va aholiga oʻz vaqtida yetkazib berishning muhim sharti hisoblanadi.
