Oʻzbekistonda 1-yoʻnalishda super-kontrakt asosida oʻqishga ruxsat berildi
Kirish imtihonlari natijasiga koʻra, 2–5-yoʻnalishlardan biriga grant yoki toʻlov-kontrakt asosida oʻqishga qabul qilingan abituriyentlar uchun oʻz xohishiga binoan 1-tanlagan yoʻnalishida oʻqish imkoniyati yaratildi.
Oʻzbekistonda 1-yoʻnalishda super-kontrakt asosida oʻqishga ruxsat berildi. Bu haqda Oliy taʼlim, fan va innovatsiyalar vazirligi xabar berdi.
2026/2027-oʻquv yili kirish imtihonlari natijasiga koʻra, 2–5-yoʻnalishlardan biriga grant yoki toʻlov-kontrakt asosida oʻqishga qabul qilingan abituriyentlar uchun oʻz xohishiga binoan 1-tanlagan yoʻnalishida oʻqish imkoniyati yaratildi.
Unga koʻra:
- tanlovda ishtirok etib, 2–5-bakalavriat taʼlim yoʻnalishlaridan biriga davlat granti yoki toʻlov-kontrakt asosida talabalikka tavsiya etilgan abituriyentlarga oʻz xohishlariga koʻra ustuvorligi boʻyicha tanlagan birinchi taʼlim yoʻnalishida tabaqalashtirilgan toʻlov-kontrakt (super-kontrakt) asosida oʻqishga ruxsat berildi (maqsadli qabul asosida tavsiya qilinganlar bundan mustasno);
- bunda oʻqishga qabul qilish oliy taʼlim tashkiloti rektori (direktori) tomonidan belgilanadigan tabaqalashtirilgan toʻlov-kontrakt miqdorida toʻlovni amalga oshirish sharti bilan amalga oshiriladi;
- mazkur tartib barcha davlat oliy taʼlim tashkilotlariga, shu jumladan, tashkiliy va moliyaviy mustaqillik berilgan OTTlarga ham tatbiq etiladi.
