Oʻzbekiston media loyihalari Olmaotadagi xalqaro bozorda taqdim etildi
Qozogʻistonda oʻtkazilgan World Content Market tadbirida aktyor va rejissyor Rashid Malikov Oʻzbekiston media loyihalari, kino va seriallar haqida taqdimot oʻtkazdi. Shuningdek, Oʻzbekiston pavilonida qator nodavlat telekanallar, onlayn platformalar va xususiy kinostudiyalar vakillari muzokaralarda ishtirok etdi.
Olmaotada oʻtkazilgan World Content Market tadbirida Kontent markazi vakili, aktyor va rejissyor Rashid Malikov Oʻzbekiston media loyihalari, ishlab chiqilayotgan kino va seriallar haqida taqdimot oʻtkazdi.
Taqdimotda oʻzbek filmlari va seriallarini xorijiy bozorlarga olib chiqish, chet el kontentini xarid qilish hamda hamkorlikda kino va media loyihalar yaratish imkoniyatlari haqida soʻz yuritildi. Oʻzbekistondagi suratga olish maskanlari va mahalliy ijodiy jamoalar bilan ishlash imkoniyatlari ham tanishtirildi.
World Content Marketdagi Kontent markazi tomonidan tashkil etilgan Oʻzbekiston pavilonida Sevimli TV, Zoʻr TV, MY5, Renessans TV, Biz TV, Solnechnыy TV telekanallari hamda Salom TV, SPlay, Zoʻr Play, Biz Media onlayn platformalari, "Panorama Fox", "Media Show TV" kabi xususiy kinostediyalar vakillari qatnashib, B2B muzokaralarda ishtirok etishdi.
Shuningdek, ishtirokchilar 2027 yil 4–5 fevral kunlari boʻlib oʻtadigan Tashkent Content Market tadbiriga taklif etildi va bu ishtirokchilarda katta qiziqish bilan qabul qilindi. Eslatib oʻtamiz, Toshkentdagi xalqaro tadbirga roʻyxatdan oʻtish TCM.uz saytida davom etmoqda.
