Namangandagi fojia oqibatida jabrlangan qizchaning oilasi koʻchiriladi
Ijtimoiy himoya milliy agentligi direktorining birinchi oʻrinbosari Shahnoza Mirziyoyeva Namanganda sodir boʻlgan mashʼum voqea yuzasidan bayonot berdi. Oila boshqa shaharga koʻchib oʻtishini, uy-joy va zarur reabilitatsiya bilan taʼminlanishi maʼlum qilindi.
Namangandagi fojia oqibatida jabrlangan qizchaning oilasi koʻchirilishi maʼlum qilindi.
Ijtimoiy himoya milliy agentligi direktorining birinchi oʻrinbosari Shahnoza Mirziyoyeva Namanganda sodir boʻlgan mashʼum voqea yuzasidan bayonot berdi.
Mirziyoyeva agentlik va Prezident Administratsiyasi vaziyatni alohida nazoratga olganini taʼkidlagan.
Shahnoza Mirziyoyeva oila boshqa shaharga koʻchib oʻtishini, uy-joy va zarur reabilitatsiya bilan taʼminlanishini aytdi. Ularga toʻliq ijtimoiy yordam koʻrsatilishi, xususan, qizaloqning onasi oʻqish va ishga joylashishiga yordam berilishi ham maʼlum qilindi.
Shuningdek, zarur boʻlsa, familiyasini oʻzgartirishga ham koʻmaklashiladi.
