Bekmurod Abdullayev yangi lavozimga tayinlandi
U Chilonzor tumani Ichki ishlar organlari faoliyatini muvofiqlashtirish departamentini boshqaradi. Abdullayev avval Jamoat xavfsizligi departamenti boshligʻi sifatida ishlagan.
Ichki ishlar vazirining sobiq oʻrinbosari Bekmurod Abdullayev Toshkentning Chilonzor tumani Ichki ishlar organlari faoliyatini muvofiqlashtirish departamenti boshligʻi etib tayinlandi. Mazkur maʼlumotni Ichki ishlar vazirligi matbuot xizmati OAVga tasdiqlagan.
Tayinlov haqidagi buyruq 24 sentabr kuni imzolangan.
Ushbu tayinlovdan oldin general-mayor Bekmurod Abdullayev Ichki ishlar vazirining oʻrinbosari va Jamoat xavfsizligi departamenti boshligʻi lavozimlarida ishlagan. U 2025 yil noyabr oyida ushbu lavozimdan ozod qilingan edi.
2026 yil yanvar oyida Abdullayev va Jazoni ijro etish bosh boshqarmasining (JIBB) sobiq boshligʻi Rustam Tursunovga qarshi jinoiy ish qoʻzgʻatilgani haqida xabar berilgan edi. Ish Ichki ishlar vazirligida davlat xaridlari paytida davlat mablagʻlarini oʻzlashtirish bilan bogʻliq.
