Saudiya Arabistonidagi oʻzbekistonliklar ogohlantirilayotgani boʻyicha xabarlar tarqaldi
Platina.uz mazkur masalada TIV matbuot xizmati rahbari Omonulla Fayziyev bilan bogʻlandi.
Tarmoqlarda Saudiya Arabistonidagi oʻzbekistonliklar ogohlantirilayotgani boʻyicha xabarlar tarqaldi.
Aytilishicha, qirollik hududida ziyoratda boʻlib turgan fuqarolarga ogohlantirish xabarlari yuborilgan. Xabarda favqulodda holat yuz berganda 911 ga qoʻngʻiroq qilish yoki Tawakkalna ilovasidagi shubhali havo faoliyati haqida xabar berish xizmati orqali murojaat qilish tavsiya qilinadi.
Platina.uz mazkur masalada TIV matbuot xizmati rahbari Omonulla Fayziyev bilan bogʻlandi.
Omonulla Fayziyevga koʻra, bu odatiy tarzdagi aholini ogohlantirish tadbirlari sanaladi va xavotirlarga hojat yoʻq.
Eslatib oʻtamiz, soʻnggi vaqtlarda Saudiya Arabistoni va Yamandagi husiylar harakati oʻrtasida vaziyat keskinlashdi. Hatto husiylar Makka shahriga dron uchirgani maʼlum qilindi. Ammo harakat mazkur maʼlumotni inkor qilib chiqdi.
