Qirgʻiziston bilan chegaradagi “Keskanyor” posti ochiladi
Ushbu nuqta “Doʻstlik” postiga nisbatan ikki barobar katta sanaladi. Prezident uch oyda uning loyihasini ishlab chiqib, qurilishni boshlash vazifasi qoʻyildi. Bu yuk tashish hajmini 2-3 karra oshirish va muddatini bir haftaga qisqartirishga xizmat qiladi.
Andijonning transport va logistika imkoniyatlarini kengaytirish boʻyicha yirik loyihalar belgilandi.
“Xitoy – Qirgʻiziston – Oʻzbekiston” temir yoʻli hisobiga yuk tashish hajmini 10 karra oshirib, yiliga 15 million tonnaga yetkazish imkoni paydo boʻladi.
Shu munosabat bilan yil yakunigacha Qoʻrgʻontepa va Xonoboddagi 300 gektar maydonda 600 million dollarlik logistika kompleksi loyihasini boshlash topshirildi.
Qirgʻiziston bilan “Doʻstlik” postiga nisbatan ikki barobar katta “Keskanyor” chegara postini ochish boʻyicha kelishuvga erishilgani qayd etildi. Uch oyda uning loyihasini ishlab chiqib, qurilishni boshlash vazifasi qoʻyildi. Bu yuk tashish hajmini 2-3 karra oshirish va muddatini bir haftaga qisqartirishga xizmat qiladi.
Yangi transport oqimiga mos ravishda 78 kilometrli “Xonobod – Andijon” pulli avtomobil yoʻlini loyihalashga kirishiladi.
Shu oydan “Toshkent – Andijon” tezyurar poyezdi yoʻlga qoʻyilib, safar vaqti 6 soatdan 4 soatga qisqardi. Kelgusi yil “Toshkent – Andijon” pulli avtomobil yoʻlini qurish boʻyicha amaliy ishlar boshlanadi.
