Oʻzbekistonda YouTube monetizatsiyasini ishga tushirish masalasini muhokama qilindi
Prezident Administratsiyasi rahbari Saida Mirziyoyeva Google vitse-prezidenti Karan Bxatiya bilan uchrashdi.
Prezident Administratsiyasi rahbari Saida Mirziyoyeva bugun Google vitse-prezidenti Karan Bxatiya bilan uchrashdi.
Muloqot arafasida kompaniya bilan hamkorlik doirasida oʻzbek yoshlari uchun yaratilayotgan yangi imkoniyatlar maʼlum boʻldi.
Uchrashuvda Oʻzbekistonda YouTube monetizatsiyasini ishga tushirish masalasini muhokama qilindi.
Oʻzbekistonda soʻnggi yillarda shaxsga doir maʼlumotlarni qayta ishlash va raqamli toʻlovlar sohasidagi qonunchilik takomillashtirdi.
Buning natijasida Oʻzbekistonda xalqaro toʻlov tizimlaridan erkin foydalanish uchun keng yoʻl ochilmoqda.
Google bilan hamkorlikning yana bir muhim yoʻnalishi — kadrlar tayyorlash. Rejaga koʻra, har yili 25 nafar oʻzbekistonlik talaba Google ofislariga stajirovkaga yuboriladi. Shuningdek, "Yangi Oʻzbekiston" universiteti va Kiber universitetda Google sertifikatlash kurslarini yoʻlga qoʻyish hamda xakatonlar oʻtkazish rejalashtirilgan.
Bu tashabbus oʻzbek yoshlariga dunyoning eng yirik texnologik kompaniyalaridan birida bevosita tajriba orttirish va global IT muhitiga kirish imkonini beradi.
