Fargʻonada 5-sinf oʻquvchisi mashina boshqardi
Mazkur hodisa sabab bolaning otasiga chora koʻrildi. Unga Maʼmuriy javobgarlik toʻgʻrisidagi kodeksning tegishli qismi bilan maʼmuriy bayonnoma rasmiylashtirilib, profilaktik suhbat oʻtkazildi.
Fargʻonada 5-sinf oʻquvchisi mashina boshqargani videosi ijtimoiy tarmoqlarda tarqaldi. Fargʻona YHXB maʼlumotiga koʻra, avtomobil boshqargan maktab oʻquvchisining otasiga chora koʻrildi.
Ijtimoiy tarmoqlarda voyaga yetmagan shaxs tomonidan transport vositasini boshqarish holati aks etgan video eʼlon qilindi.
Oʻrganishlar davomida avtomobil boshqaruvida Soʻx tumani 11-sonli umumtaʼlim maktabining 5-sinf oʻquvchisi boʻlganligi, transport vositasi uning otasiga tegishli ekanligi aniqlandi.
Ushu holat yuzasidan avtomobil boshqaruvida boʻlgan voyaga yetmagan shaxsining otasiga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 47-moddasi va 135-moddasi 2-qismi bilan maʼmuriy bayonnoma rasmiylashtirilib, profilaktik suhbat oʻtkazildi.
Avval Toshkentda YPX xodimini BMW`da urib ketib, uning oʻlimiga sababchi boʻlgan oʻquvchi 2 yilga qamalgandi.
