Shavkat Mirziyoyev Putinni muvaffaqiyatli saylovlar bilan tabrikladi
18-20 sentabr kuni oʻtgan saylovlarda "Yagona Rossiya" partiyasi katta ustunlik bilan gʻalaba qozondi va parlamentda koʻpchilik oʻrinni qoʻlga kiritdi.
Prezident Shavkat Mirziyoyev Rossiya Federatsiyasi Prezidenti Vladimir Putinga maktub yoʻlladi. Unda Oʻzbekiston rahbari Rossiya Federatsiyasi Federal Majlisi Davlat Dumasiga saylovlar muvaffaqiyatli oʻtkazilgani bilan tabrikladi.
Oʻzbekiston Prezidenti ikki mamlakat oʻrtasidagi keng qamrovli strategik sheriklik va ittifoqchilik munosabatlari rivojlanayotgani taʼkidladi.
Koʻp qirrali aloqalarimizda alohida oʻrin tutadigan parlamentlararo hamkorlik bundan buyon ham ikki tomonlama loyiha va dasturlarning muvaffaqiyatli amalga oshirilishiga xizmat qilishi qayd etildi.
Birgalikdagi saʼy-harakatlar orqali Oʻzbekiston – Rossiya hamkorligini har tomonlama rivojlantirishga kuchli surʼat bagʻishlash, uni mamlakatlarimiz ravnaqi va xalqlarimiz farovonligi yoʻlida yangi tashabbuslar bilan boyitishga ishonch bildirildi.
Yakunda Prezident Shavkat Mirziyoyev Prezident Vladimir Putinga mustahkam sogʻliq va davlatchilik faoliyatida yangi muvaffaqiyatlar, Rossiya xalqiga esa tinchlik, farovonlik va taraqqiyot tiladi, deyiladi Prezident matbuot xizmati xabarida.
Eslatib oʻtamiz, 18-20 sentabr kuni oʻtgan saylovlarda "Yagona Rossiya" partiyasi katta ustunlik bilan gʻalaba qozondi va parlamentda koʻpchilikni qoʻlga kiritdi.
