Madad Invest Bank asoschisi Interpol orqali qidiruvga berildi
Moʻminjon Yoʻldashev Jinoyat kodeksining 167-moddasi 3-qismi (oʻzlashtirish yoki rastrata yoʻli bilan talon-toroj qilish) bilan ayblanmoqda. Yoʻldashev qurilish va toʻqimachilik sohasidagi qator bizneslar egasi hisoblanadi.
Madad Invest Bank asoschisi xalqaro qidiruvga berildi.
Fargʻonalik tadbirkor, Madad Invest Bank’ning sobiq yirik aksiyadori va kuzatuv kengashi raisi Moʻminjon Yoʻldashev Oʻzbekiston soʻroviga asosan Interpol orqali xalqaro qidiruvga berildi.
U Jinoyat kodeksining 167-moddasi 3-qismi (oʻzlashtirish yoki rastrata yoʻli bilan talon-toroj qilish) bilan ayblanmoqda.
Moʻminjon Yoʻldashev qurilish va toʻqimachilik sohasidagi qator bizneslar egasi hisoblanadi.
Bundan tashqari, 2019 yilda Jahon banki uni tender jarayonida raqobatchi kompaniya vakiliga bosim oʻtkazish bilan bogʻliq holat sabab oʻz loyihalarida ishtirok etishdan kamida 4 yilga chetlatgan.
