Rossiyada YTH sodir etib, 3 kishining oʻlimiga sabab boʻlgan oʻzbekistonlik qamaldi
Hodisada ogʻir yuk mashinasi 11 avtomobilni bosib ketgan. Prokuror Bekzod Sattarovga 15 yillik qamoq jazosini soʻradi, ammo sud 9 yilga hukm chiqardi.
Rossiyada YTH sodir etib, 3 kishining oʻlimiga sabab boʻlgan oʻzbekistonlik 9 yilga qamaldi.
Boshqirdistonning Ufa shahrida Oʻzbekiston fuqarosiga hukm oʻqildi. Bekzod Sattarov bir nechta transport vositalari ishtirokidagi avariyani sodir etgani uchun 9 yil qamoq jazosiga hukm qilindi.
Xabarlarga koʻra, oʻzbekistonlik erkak haydovchilik guvohnomasiga ega boʻlmagan va noqonuniy ishlayotgan edi. Uning samosvaliga ortiqcha yuk ortilgan va yaxshi taʼmirdan chiqarilmagan boʻlgan.
Oqibatda Sattarov 11 ta transport vositasini bosib, uch kishining oʻlimiga sabab boʻlgan.
Prokuror Bekzod Sattarovga 15 yillik qamoq jazosini soʻradi, ammo sud 9 yilga hukm chiqardi.
