Ikki gektar yer vaʼda qilgan: Savdo-sanoat palatasi tuman boʻlimi boshligʻi ushlandi
Bosh prokuratura huzuridagi Departamentning Qiziriq tumani boʻlimi va boshqa huquqni muhofaza qiluvchi organ xodimlari hamkorligida tezkor tadbir oʻtkazildi.
Surxondaryo viloyatida Savdo-sanoat palatasi tuman boʻlimi boshligʻi ushlandi.
Bosh prokuratura huzuridagi Departamentning Qiziriq tumani boʻlimi va boshqa huquqni muhofaza qiluvchi organ xodimlari hamkorligida tezkor tadbir oʻtkazildi.
Unda Savdo-sanoat palatasi Qiziriq tumani boʻlimi boshligʻi M.Ch. fuqaro O.B.ga dehqon xoʻjaligi tashkil etishi uchun auksion orqali 2 gektar yer maydoni olib berishini vaʼda qilgan. Soʻngra firibgarlik yoʻli bilan qoʻlga kiritgan 5 mln soʻmni O.B.ga qaytarib bergan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.
Avvalroq Ekologiya va kadastrlar palatasi xodimlari tezkor tadbirda ushlangandi.
Ular davlat zaxirasidagi 2 gektar yer maydonini kadastrda ishlovchi tanish orqali auksionga chiqarib arzon narxda olib berishni vaʼda qilgan.
