Saida Mirziyoyeva Xorijiy tillarga ixtisoslashtirilgan maktab-internati faoliyati bilan tanishdi
Maktabda oʻquv jarayonida STEM yoʻnalishiga — matematika, fizika, kimyo, biologiya va axborot texnologiyalariga alohida eʼtibor qaratilgan. Bolalar bu fanlarni chuqur oʻzlashtirish barobarida loyihalar ustida ishlaydilar, bilimlarini amaliyotda qoʻllash koʻnikmasini hosil qilib, mustaqil tadqiqotlar olib boradilar.
Prezident Administratsiyasi rahbari Saida Mirziyoyeva xorijiy tillarga ixtisoslashtirilgan maktab-internati faoliyati bilan tanishdi.
Bu dargohda 260 nafardan ziyod iqtidorli oʻgʻil-qiz taʼlim olishni boshladi.
Oʻquv jarayonida STEM yoʻnalishiga — matematika, fizika, kimyo, biologiya va axborot texnologiyalariga alohida eʼtibor qaratilgan. Bolalar bu fanlarni chuqur oʻzlashtirish barobarida loyihalar ustida ishlaydilar, bilimlarini amaliyotda qoʻllash koʻnikmasini hosil qilib, mustaqil tadqiqotlar olib boradilar. Xorijiy tillardan ingliz va xitoy tillari kuchaytirilgan tartibda oʻqitiladi.
Shu bilan birga, oʻquv dasturining salmoqli hamda muhim qismi ona tili, Oʻzbekiston tarixi, adabiyoti va madaniyatiga ajratilgan.
"Yoshlarga zamonaviy taʼlim berib, kelajagi uchun keng imkoniyatlar eshigini ochar ekanmiz, ayni paytda ularga vatan tuygʻusi, oʻzligi va milliy madaniyati bilan bogʻliqlikni doimiy singdirib borish zarur — menimcha, taʼlimda eng toʻgʻri yondashuv shu", deya taʼkidladi Mirziyoyeva.
