Shavkat Mirziyoyev Seul shahriga yetib bordi
Prezidentni Koreya Respublikasida mehnat qilayotgan va tahsil olayotgan vatandoshlar kutib oldi.
Davlat tashrifi bilan Seul shahriga kelgan Prezident Shavkat Mirziyoyevni Koreya Respublikasida mehnat qilayotgan va tahsil olayotgan vatandoshlarimiz samimiy kutib oldi.
Davlatimiz rahbari yurtdoshlarimiz bilan suhbatlashib, ularning faoliyati, oʻqishi va kelajak rejalari bilan qiziqdi.
Muloqot chogʻida mamlakatimizda kechayotgan yangilanishlar, vatandoshlarimizning orzu-intilishlari hamda tashrif doirasida boʻlajak tadbirlarning ahamiyati haqida fikr almashildi.
Prezidentimiz ularga ish va oʻqishida muvaffaqiyatlar tilab, Koreyada egallanayotgan zamonaviy bilim, koʻnikma va tajriba kelgusida mamlakatimiz ravnaqi va xalqimiz farovonligiga xizmat qilishiga ishonch bildirdi.
