Navoiyda 1,3 mlrd soʻmlik byudjet mablagʻlari talon-toroj qilindi
“Navoiysuvqurilishinvest” DM, Quyi Zarafshon irrigatsiya tizimi Havza boshqarmasi huzuridagi meliorativ ekspeditsiya va qator MChJlar masʼul shaxslari oʻzaro til biriktirgan.
Navoiy viloyatida 1,3 mlrd soʻmlik byudjet mablagʻlari talon-toroj qilindi.
Bosh prokuratura huzuridagi Departamentning Navoiy viloyati boshqarmasi tomonidan tergovga qadar tekshiruv oʻtkazildi.
Unda “Navoiysuvqurilishinvest” DM, Quyi Zarafshon irrigatsiya tizimi Havza boshqarmasi huzuridagi meliorativ ekspeditsiya, “N.S.” va “B.Z.” MChJlar masʼul shaxslari oʻzaro til biriktirib, shartnomalarga asosan “DIVER” qurilmalari uchun toʻlovlar toʻliq amalga oshirilgan boʻlsa-da, qoʻshib yozish natijasida 1,3 mlrd soʻmlik byudjet mablagʻlarini oʻzlashtirish yoki rastrata yoʻli bilan talon-toroj qilganliklari aniqlangan.
Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.
