Toshkentda mahalliy byudjetdan 1,5 mlrd soʻmdan oshiq pul ajratildi
Mablagʻ koʻp kvartirali uylarning energiya samaradorligini oshirishga sarflanadi.
Toshkent shahrida koʻp kvartirali uylarning energiya samaradorligini oshirish uchun mablagʻ ajratildi.
Bu haqda Toshkent shahar hokimining 2026 yil 9 sentabrdagi qarori eʼlon qilindi.
Unga koʻra, Chinoz va Oltiariq tajribasi asosida poytaxtimizdagi koʻp kvartirali uylarning energiya samaradorligini oshirish boʻyicha loyiha-smeta hujjatlarini ishlab chiqish uchun Toshkent shahar mahalliy byudjetining zaxira jamgʻarmasidan jami 1 mlrd 565,4 mln soʻm mablagʻ ajratildi.
Mazkur mablagʻlar quyidagi manzillardagi koʻp kvartirali uylar uchun yoʻnaltiriladi:
Olmazor tumani, Qichqiriq MFY, Qoraqamish 1/3 dahasi (46, 47, 50, 51-uylar) — 331,96 mln soʻm;
Uchtepa tumani, Farhod MFY, 23-mavze (4, 5, 21, 22, 23-uylar) — 588,68 mln soʻm;
Chilonzor tumani, Diyor MFY, 8-mavze (1, 2, 3, 4, 5-uylar) — 288,76 mln soʻm;
Yunusobod tumani, Akbarobod MFY, 3-mavze (16, 17, 18, 19-uylar) — 200,03 mln soʻm;
Yakkasaroy tumani, «Shohjahon» MFY (Bobur koʻchasi, 36, 38-uylar) va «Damariq» MFY (Bobur koʻchasi, 81/5, 81/6-uylar) — 155,97 mln soʻm.
