Toʻrtta tilda soʻzlashuvchi, diplomat: Migratsiya agentligiga yangi rahbar tayinlandi

Muhsinxoʻja Tursunxoʻjayevich Abdurahmonov Migratsiya agentligiga rahbarlik qiladi.

Muhsinxoʻja Abdurahmonov 1974 yil 14 fevralda Fargʻona viloyatida tugʻilgan.

Toshkent davlat iqtisodiyot universiteti hamda AQShdagi Kaliforniya universitetida tahsil olgan. Oʻzbekiston Respublikasi Prezidenti huzuridagi Davlat va jamiyat qurilishi akademiyasi aspiranti boʻlgan. Yaponiyaning Otaru kommersiya universitetida magistraturani, Xokkaydo universitetida doktoranturani tamomlagan.

Abdurahmonovning mehnat faoliyati xususiy sektor, investitsiya, tashqi savdo va diplomatiya sohalarini qamrab olgan. U Coca-Cola kompaniyasida menejer, Yaponiyadagi MTRUSTCo. Ltd kompaniyasi bosh direktori, Fargʻona viloyati hokimi oʻrinbosari — investitsiyalar va tashqi savdo boshqarmasi boshligʻi, Tashqi ishlar vazirligida boshqarma boshligʻi lavozimlarida ishlagan.

2021 yildan Oʻzbekistonning Yaponiyadagi favqulodda va muxtor elchisi sifatida faoliyat yuritib, ikki davlat oʻrtasidagi iqtisodiy, taʼlimiy va gumanitar aloqalarni rivojlantirishga katta hissa qoʻshib kelayotgan edi.

Muhsinxoʻja Abdurahmonov yapon, ingliz, rus, tojik va arab tillarini mukammal biladi.

Endi u xorijda mehnat qilayotgan va ishlash uchun chet elga chiqishni rejalashtirayotgan yuz minglab vatandoshlar bilan bogʻliq muhim yoʻnalishga rahbarlik qiladi.