Nepaldagi toshqinda qurbon boʻlganlar soni 600 nafardan oshdi
Chegaraning Nepal va Xitoy tomonlarida taxminan jami 2500 kishi bedarak yoʻqolgan.
Mahalliy OAV maʼlumotlariga koʻra, Nepalda suv toshqinlari oqibatida halok boʻlganlar soni ortib bormoqda.
29 avgust kuni eʼlon qilingan Nepal politsiyasining xabarlariga koʻra, falokatli suv toshqini oqibatida halok boʻlganlar soni avval xabar qilingan 538 kishidan 616 taga yetdi. 2301 kishi qutqarildi va davolanmoqda.
Chegaraning Nepal va Xitoy tomonlarida taxminan 2500 kishi bedarak yoʻqolgan.
Nepal turizm kengashining maʼlumotlariga koʻra, 28 avgust oqshomiga kelib, qutqarilgan xorijiy sayyohlar soni 121 kishini tashkil etdi, ulardan ikkitasi Rossiya fuqarosi.
Roʻyxatda 36 mamlakatdan jami 743 nafar sayyoh bor. 622 kishining qayerda ekanligi hali ham nomaʼlum.
Sinxua agentligining xabar berishicha, Sinszyan tabiiy ofatlarni boshqarish departamenti maʼlumotlariga koʻra, yetti kishi halok boʻlgani va yana 554 kishi bedarak yoʻqolgani tasdiqlangan.
Qidiruv-qutqaruv ishlari barcha zarar koʻrgan hududlarda davom etmoqda. Nepal xavfsizlik kuchlari zarar koʻrgan hududlarda tabiiy ofat oqibatlarini bartaraf etish uchun 4811 politsiya xodimini safarbar qildi, ammo 27 zobit bedarak yoʻqolgan.
Eslatib oʻtamiz, 26 avgust kuni Nepal va Xitoy chegarasida toshqin yuz berdi. Dastlab 160 nafardan oshiq kishi halok boʻldi.
