Saida Mirziyoyeva Xitoy parlamenti rahbari bilan uchrashdi
Uchrashuvda Oʻzbekiston va Xitoy rahbarlari oʻrtasidagi izchil muloqot natijasida soʻnggi yillarda ikki davlat munosabatlari mustahkamlanib borayotgani qayd etildi. Parlamentlararo hamkorlikni yanada rivojlantirish masalalari muhokama qilindi.
Prezident Administratsiyasi rahbari Saida Mirziyoyeva Pekin shahrida Xitoy Kommunistik partiyasi Markaziy qoʻmitasi Siyosiy byurosi Doimiy qoʻmitasi aʼzosi, Butunxitoy xalq vakillari kengashi Doimiy qoʻmitasi raisi Chjao Letszi bilan uchrashdi.
Uchrashuvda Oʻzbekiston va Xitoy rahbarlari oʻrtasidagi izchil muloqot natijasida soʻnggi yillarda ikki davlat munosabatlari mustahkamlanib borayotgani qayd etildi. Shuningdek, parlamentlararo hamkorlikni yanada rivojlantirish masalalari muhokama qilindi.
Tomonlar transport, savdo, taʼlim va madaniyat sohalaridagi qoʻshma loyihalarni amalga oshirish, oʻzaro manfaatli hamkorlikni kengaytirish masalalariga eʼtibor qaratdi.
Saida Mirziyoyeva Xitoy tomonining Oʻzbekiston bilan hamkorlikni rivojlantirishga qaratilgan saʼy-harakatlarini yuqori baholab, belgilangan qoʻshma rejalarni izchil amalga oshirish muhimligini taʼkidladi.
