Sherzod Asadov "Doʻstlik" ordeni bilan mukofotlandi
Sherzod Asadov vazminligi, diplomatik mahorati, soʻzga va axborotga nihoyatda masʼuliyat bilan yondashishi, eng murakkab vaziyatlarda ham muvozanatni saqlay olishi bilan katta hurmat qozongan. Uning yillar davomidagi samarali mehnati va yuksak professionalligi davlat darajasida munosib eʼtirof etildi.
Prezident matbuot kotibi Sherzod Asadov "Doʻstlik" ordeni bilan taqdirlandi.
Prezidentning Oʻzbekiston Respublikasi mustaqilligining oʻttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash toʻgʻrisida farmoni eʼlon qilindi.
Unga koʻra, Sherzod Ikromovich Asadov - Oʻzbekiston Respublikasi Prezidenti Administratsiyasining Kommunikatsiyalar departamenti boshligʻi – Prezident matbuot kotibi orden bilan mukofotlandi.
Eslatib oʻtamiz, Komil Allamjonov ham ushbu orden bilan mukofotlangandi.
