Shukurillo Isroilov davlat lavozimiga tayinlandi
Soʻz ustasi Toshkent shahar madaniyat boshqarmasi boshligʻi oʻrinbosari sifatida ishlaydi.
Qiziqchi Shukurillo Isroilov davlat lavozimiga tayinlandi. Bu haqda madaniyat vaziri Ozodbek Nazarbekov xabar berdi.
Toshkent shahrida madaniyat va sanʼat sohasida amalga oshirilayotgan ishlar, sohadagi islohotlar ijrosi hamda kelgusidagi ustuvor vazifalar yuzasidan soha vakillari ishtirokida yigʻilish oʻtkazildi.
Taniqli soʻz ustasi Shukurillo Ahmadqulovich Isroilov Toshkent shahar madaniyat boshqarmasi boshligʻi oʻrinbosari lavozimiga tayinlandi.
Aytilishicha, boshqarma boshligʻi lavozimini Bekzod Bahromov egalladi.
