Saida Mirziyoyeva may oyida belgilangan rejalar ijrosini tekshirish uchun Buxoroga bordi
“Joʻyzar” kanalining 9 kilometrlik qismi betonlashtirildi. Bu yiliga 12 million kub metr suvni tejash imkonini beradi. Tashrif yakunida “Yetti pir” qadamjolari ziyorat qilindi.
Prezident Administratsiyasi rahbari Saida Mirziyoyeva Buxoroga bordi.
Mirziyoyeva may oyida belgilangan rejalar ijrosini, natijalarini koʻzdan kechirganini maʼlum qilgan.
“Joʻyzar” kanalining 9 kilometrlik qismi betonlashtirildi (yana 10 kilometrida jarayon davom etmoqda). Bu yiliga 12 million kub metr suvni tejash imkonini beradi.
Shu yerning oʻzida baliqchilik xoʻjaligi ham ishga tushirildi. “Shayxoncha” mahallasida 240 oʻrinli zamonaviy bogʻcha barpo etildi.
Shuningdek, turizm sohasidagi yangi loyihalar — “Afshona” majmuasi, etno-uylar, “Joʻyi Muliyon” kanalini tiklash, yangi aeroport yaqinidagi mehmonxonalar va klaster masalalari muhokama qilindi. Asosiy maqsad yiliga 10 million sayyohni jalb qilib, Buxoroni shunchaki tranzit hudud emas, balki toʻlaqonli sayohat maskaniga aylantirishdir.
Tashrif yakunida Buxoroi sharifning “Yetti pir” qadamjolari ziyorat qilingan.
