OTM, akademik litsey va texnikumlarda oʻqish qachondan boshlanishi maʼlum qilindi
Oliy taʼlim tashkilotlarida 1-bosqich talabalari uchun 7 sentabrdan darslar boshlanadi.
Oliy taʼlim tashkilotlari, akademik litsey va texnikumlarda yangi oʻquv yili boshlanish sanasi belgilandi. Bu haqda Oliy taʼlim, fan va innovatsiyalar vazirligi xabar berdi.
2026/2027-oʻquv yilida akademik litsey va texnikumlarda oʻquv jarayonlari 2 sentabrdan boshlanadi.
Oliy taʼlim tashkilotlarida esa:
-1-bosqich talabalari uchun — 7 sentabrdan;
-2 bosqich va undan yuqori bosqich talabalari uchun — 14 sentabrdan oʻquv jarayonlari tashkil etiladi.
