Xorazm viloyati hokimiga oʻrinbosar va Gurlanga hokim tayinlandi
Sherzod Berdiyev tayinlovga qadar Prezident huzuridagi Ijtimoiy himoya milliy agentligining Xorazm viloyati boshqarmasi boshligʻi lavozimida ishlab kelgan.
Xorazm viloyati hokimiga oʻrinbosar va Gurlan tumaniga hokim tayinlandi.
Berdiyev Sherzod Jumanazarovich – viloyat hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari lavozimiga tayinlandi.
Sherzod Berdiyev tayinlovga qadar Oʻzbekiston Respublikasi Prezidenti huzuridagi Ijtimoiy himoya milliy agentligining Xorazm viloyati boshqarmasi boshligʻi lavozimida ishlab kelgan.
Artiqov Odilbek Sadullayevich– xalq deputatlari Gurlan tuman Kengashining navbatdan tashqari sessiyasida Gurlan tumani hokimi lavozimiga tasdiqlandi.
Odilbek Artiqov tayinlovga qadar Oʻzbekiston mahallalar uyushmasi Xorazm viloyati boshqarmasi boshligʻi lavozimida ishlab kelgan.
