OAV: Tramp noyabrda Kim Chen In bilan uchrashishi mumkin
Tahlilchilar ehtimoliy sammitning samaradorligiga shubha bilan qarashdi. Ularning soʻzlariga koʻra, Shimoliy Koreyaning yadroviy arsenali avvalgi uchrashuvlaridan beri faqat kuchaygan.
AQSh prezidenti Donald Tramp Osiyoga keyingi safari davomida Shimoliy Koreya yetakchisi Kim Chen In bilan uchrashishni koʻrib chiqmoqda. Bu haqda The Wall Street Journal (WSJ) manbalarga tayanib xabar berdi.
Nashrning xabar berishicha, Amerika prezidenti noyabr oyida Osiyo-Tinch okeani iqtisodiy hamkorligi (APEC) sammiti boʻlib oʻtadigan Shenchjenda muzokaralar oʻtkazishni rejalashtirmoqda.
WSJ taʼkidlashicha, Tramp Shimoliy Koreyani yadrosizlantirish boʻyicha diplomatik tashabbusni yangilashga umid qilmoqda. Manbalarga koʻra, AQSh prezidenti Eron bilan mojaroni hal qilishda siljish yoʻqligi sababli tashqi siyosatda katta yutuqlarga erishmoqchi.
Tahlilchilar Donald Tramp va Kim Chen In oʻrtasidagi mumkin boʻlgan sammitning samaradorligiga shubha bilan qarashmoqda. Ularning soʻzlariga koʻra, Shimoliy Koreyaning yadroviy arsenali avvalgi uchrashuvlaridan beri faqat kuchaygan.
Avval Donald Tramp Janubiy Koreya bilan qoʻshma harbiy mashqlar koʻlami va moliyalashtirishni qisqartirishni eʼlon qildi va buni Shimoliy Koreya yetakchisi bilan yaxshi munosabatlarni saqlab qolish istagi bilan izohladi. Pxenyan mashqlarni "tajovuzkorlik va KXDR bilan urushga tayyorgarlik namoyishi" deb atadi.
