Oʻzbekiston Qirgʻiziston fuqarolari uchun 20 ta grant ajratdi
Ular davlat OTMlaridagi maktabgacha taʼlim, kompyuter muhandisligi, agronomiya va boshqa yoʻnalishlarga qabul qilinadi.
Oʻzbekiston Kirgiziston fuqarolari uchun 2026–2027 oʻquv yilida davlat granti asosida oʻqish uchun 20 ta kvota ajratdi. Oliy taʼlim, fan va innovatsiyalar vazirligi matbuot xizmatining xabar berishicha, ajratilgan oʻrinlarga nomzodlarni saralash Osh davlat universiteti tomonidan amalga oshiriladi.
Bu yil qirgʻizistonlik abituriyentlarga quyidagi bakalavriat yoʻnalishlarida oʻqish imkoniyati taqdim etiladi:
- Maktabgacha taʼlim — 4 ta oʻrin;
- Kompyuter muhandisligi — 4 ta oʻrin;
- Agronomiya — 4 ta oʻrin;
- Suv xoʻjaligi va melioratsiya — 2 ta oʻrin;
- Ekologiya va atrof-muhitni muhofaza qilish — 2 ta oʻrin;
- Qurilish muhandisligi — 4 ta oʻrin.
Tanlovda ishtirok etish uchun nomzodlar quyidagi hujjatlarni taqdim etishlari lozim:
- Anketa (ariza shakli);
- Oʻrta umumiy yoki oʻrta maxsus/kasb-hunar taʼlimi toʻgʻrisidagi diplom yoki shahodatnoma nusxasi;
- Pasport nusxasi;
- Belgilangan shakldagi rus tilidagi tibbiy maʼlumotnoma;
- 3,5 × 4,5 sm oʻlchamdagi 6 ta rangli surat.
Tanlov jarayonida nomzodlar tanlagan oʻqitish tilini bilishini namoyish etishi va ikkita profil fan boʻyicha sinovlardan oʻtishi kerak. Imtihon 5 balli tizimda baholanadi.
Oʻzbekistonning oliy taʼlim tashkilotlarida oʻqitish oʻzbek va rus tillarida olib boriladi. Oʻzbek tilida oʻqitish lotin grafikasiga asoslanganligi sababli, nomzodlarning lotin alifbosini bilishi ham hisobga olinadi.
