Kapitan Boburmirzo Pardayev soʻnggi manzilga kuzatildi
U Uchtepa tumanidagi yongʻinda safdoshlari bilan birga yonayotgan uydan odamlarni olib chiqib, shaxsan yetti kishining hayotini qutqarishga ulgurgandi.
Kapitan Boburmirzo Pardayev soʻnggi manzilga kuzatildi.
FVV maxsus qutqaruv bataloni guruh komandiri Boburmirzo Pardayev oilasi, yaqinlari, vazirlik rahbariyati va yuzlab hamkasblari tomonidan oʻzi tugʻilib oʻsgan Samarqand viloyatida soʻnggi manzilga kuzatildi.
Eslatib oʻtamiz, 15 avgust kuni Uchtepa tumanida yuzaga kelgan yongʻinni oʻchirish chogʻida FVV Maxsus qutqaruv batalyoni guruh komandiri, kapitan Boburmirzo Pardayev fojiali tarzda halok boʻldi.
U safdoshlari bilan birga yonayotgan uydan odamlarni olib chiqib, shaxsan yetti kishining hayotini qutqarishga ulgurdi.
Shu inson sababli yetti jon omon qoldi. Biroq tom qismining toʻsatdan qulab tushishi oqibatida Boburmirzoning oʻzi hayotdan koʻz yumdi.
