Hormuz boʻgʻozida yirik ekologik inqiroz yuz berdi
Eron TIV vakili "zarar trillionlab dollarga yetishi" mumkinligini aytgan. Neft toʻkilishi 3 avgust kuni Ummon koʻrfazidagi kemaga qilingan hujumdan keyin sodir boʻlgani aytilgan.
Hormuz boʻgʻozida yirik ekologik falokat roʻy berdi.
Eron Tashqi ishlar vazirligi vakili Esmail Bagʻaiy ijtimoiy tarmoqlarda Hormuz boʻgʻozida kemaga qilingan hujumdan keyin neft ifloslanishi Eronning Keshm oroli qirgʻogʻiga yetib kelganini bildirdi.
Fors va Ummon koʻrfazidagi neft toʻkilishidan yetkazilgan umumiy zarar trillionlab dollarga yetishi mumkin.
"Bu voqea soʻnggi oʻn yilliklar davomida Fors koʻrfazi va Ummon dengizi suvlarini, shuningdek, mintaqaning dengiz ekotizimini yomonlashtirgan keng koʻlamli ifloslanishning yaqqol namunasidir", deb yozgan u.
Eron Tashqi ishlar vazirligi vakili Hormuz boʻgʻozidagi barcha xalqaro yuk tashish ishtirokchilari atrof-muhitga yetkazilgan zararning oldini olish va uni kamaytirish uchun huquqiy va axloqiy javobgarlikka ega ekanligini taʼkidladi.
Mavjud maʼlumotlarga koʻra, neft toʻkilishi 3 avgust kuni Ummon koʻrfazida kemaga qilingan hujumdan keyin sodir boʻlgan boʻlishi mumkin. Oʻshandan beri Minoan Pioneer yuk tashuvchi kemasining yoqilgʻisi katta suv maydoniga tarqab ketdi.
