Ilhom Aliyev Donald Tramp bilan telefon orqali muloqot qildi
Suhbatda Vashington sammitiga bir yil toʻlgani munosabati bilan Ozarbayjon va Armaniston oʻrtasidagi tinchlik jarayoni muhokama qilindi.
8 avgust kuni Ozarbayjon Prezidenti Ilhom Aliyev va AQSh Prezidenti Donald Tramp oʻrtasida telefon orqali muloqot boʻlib oʻtdi.
Suhbatda Vashington sammitiga bir yil toʻlgani munosabati bilan Ozarbayjon va Armaniston oʻrtasidagi tinchlik jarayoni muhokama qilindi. Tomonlar uzoq yillik mojaroga barham berilganini taʼkidladi.
Shuningdek, ikki davlat oʻrtasidagi iqtisodiy aloqalar, TRIPP transport loyihasi va mintaqada transport bogʻliqligini kuchaytirish masalalari muhokama qilindi.
Aliyev Trampga Vashington sammitidagi roli va Ozarbayjonni G20 sammitiga taklif qilgani uchun minnatdorlik bildirdi. Tomonlar Ozarbayjon–AQSh strategik sherikligini yangi bosqichga olib chiqishga kelishib oldi.
Eslatib oʻtamiz, 7 avgust kuni Prezident Shavkat Mirziyoyev ham Donald Tramp bilan telefon orqali muloqot qilgan edi.
