Kinoaktyor Abdumannon Ubaydullayev vafot etdi
U rejissyor Zulfiqor Musoqovning “Vatan” filmidagi roli bilan elga tanilgan.
Oʻzbekistonda xizmat koʻrsatgan yoshlar murabbiysi, sanʼatshunoslik fanlari nomzodi, professor, taniqli kinoaktyor, rejissyor va pedagog Abdumannon Ubaydullayev vafot etdi.
Bu haqda Oʻzbekiston Kinoarboblari ijodiy uyushmasi xabar berdi.
Maʼlumot uchun, Abdumannon Ubaydullayev kinorejissyor Zulfiqor Musoqovning “Vatan” filmidagi roli bilan elga tanilgan.
U bugunga qadar “Omad”, “Soʻnggi lahza”, “Hijron”, “Nazar”, “Yigit yigʻlamasin”, “Aldangan koʻngil”, “Mehr” kabi koʻplab badiiy filmlarda va bir qancha milliy teleseriallarda rollar ijro etgan.
Ijodkor bugunga qadar Oʻzbekiston davlat sanʼat va madaniyat instituti “Ovoz rejissyorligi va operatorlik mahorati” kafedrasida talaba yoshlarga taʼlim berayotgan edi.
