AQSh razvedkasi: Rossiya yaqin yillarda NATO mamlakatiga hujum qilishi mumkin
Bu toʻliq koʻlamli urush emas, balki gibrid ssenariylarni oʻz ichiga oladi. Ehtimoliy harakatlar NATO mamlakatlariga kiberhujumlar, maxsus operatsiyalar, cheklangan harbiy amaliyotlar bilan cheklanishi mumkin.
AQSh razvedkasi Rossiya kelgusi yillarda NATO aʼzosiga cheklangan hujum uyushtirishi mumkinligiga ishonadi. Bu haqda The Wall Street Journal AQSh razvedkasi rasmiylarining yangi xabarlariga asoslanib xabar berdi.
Tahlilchilarning fikriga koʻra, bunday urinish uchun eng ehtimoliy davr 2026 va 2029 yillar oraligʻidir.
Razvedkaning fikricha, Moskva Shimoliy Atlantika alyansining kuchini va Vashington shartnomasining 5-moddasi boʻyicha kollektiv mudofaa majburiyatlarini bajarishga tayyorligini sinab koʻrmoqchi.
WSJʼning yozishicha, bu toʻliq koʻlamli urushni emas, balki gibrid ssenariylarni oʻz ichiga oladi. Ehtimoliy harakatlar NATO mamlakatlariga kiberhujumlar, maxsus operatsiyalar, cheklangan harbiy harakatlar va alyansning sharqiy qanotidagi hududlarni egallab olish uchun nomaʼlum qurolli guruhlarni joylashtirishni oʻz ichiga oladi.
AQSh rasmiylari Rossiya harakatlarining asosiy maqsadi NATONI ichkaridan ajratish ekanligini taʼkidlamoqda.
Shu bilan birga, AQSh Ukrainaga keng koʻlamli qurol savdosi fonida ayrim muhim oʻq-dorilarning yetishmasligiga duch keldi, bu esa Rossiya yoki Xitoyni potentsial mojaroda ushlab turishni murakkablashtirishi mumkin.
