Tramp oʻz "vorisi" boʻyicha bir qarorga keldi — Washington Post
AQSh yetakchisi yaqinda Respublikachilar partiyasi homiylariga J.D. Vensning keyingi prezidentlik saylovlarida gʻalaba qozonishini koʻrishini istashini aytgan.
AQSh prezidenti Donald Tramp vitse-prezident J.D. Vens 2028 yilgi saylovlarda nomzod boʻlishi kerak degan qarorga keldi. Bu haqda The Washington Post manbalarga suyangan holda xabar berdi.
Donald Tramp yaqinda Respublikachilar partiyasi homiylariga J.D. Vensning keyingi prezidentlik saylovlarida gʻalaba qozonishini koʻrishni istashini aytdi, deb xabar beradi gazeta. Biroq, baʼzi maslahatchilar siyosatchi hali voris haqida qaror qabul qilmaganligi haqida ogohlantirishdi.
Ayni paytda, Donald Tramp prezidentlikka nomzod sifatida tilga olgan AQSh Davlat kotibi Marko Rubio kelajakdagi saylovlar haqida turli gap-soʻzlardan qochishga harakat qilmoqda. Vens esa hali oʻz nomzodini qoʻyish rejasini tasdiqlamagan.
Biroq The New York Times gazetasining xabar berishicha, Donald Tramp J.D. Vensning oʻz vorisi boʻlishga mos kelishiga shubha qilmoqda. Prezident bu masala boʻyicha tez-tez maslahatchilarning fikrlarini soʻrashni boshlagan.
Ilgari Tramp J.D. Vens va Marko Rubioni saylovlar uchun ideal jamoa deb atagan edi. Biroq siyosatchi kimni prezident va kimni vitse-prezident sifatida koʻrishini aniq aytmadi.
