Oʻzbekistonga mol goʻshti eng koʻp Hindistondan keltirilayotgani ochiqlandi
2026 yilning yanvar-iyun oylarida xorijdan qiymati 359,5 mln AQSh dollariga teng boʻlgan 72 ming tonna mol goʻshti import qilingan.
Oʻzbekistonga mol goʻshti qaysi davlatlardan import qilinayotgani boʻyicha maʼlumot berildi.
Milliy statistika qoʻmitasi maʼlumotlariga koʻra, Oʻzbekistonga 2026 yilning yanvar-iyun oylarida xorijdan qiymati 359,5 mln AQSh dollariga teng boʻlgan 72 ming tonna mol goʻshti import qilingan.
Import hajmi oʻtgan yilning mos davriga nisbatan 6 ming tonnaga yoki 9,1 foizga oshgan.
Mazkur davrda Oʻzbekistonga eng koʻp mol goʻshti yetkazib bergan davlatlar:
Hindiston – 33,9 ming tonna
Belarus – 19,6 ming tonna
Qozogʻiston – 10,6 ming tonna
Pokiston – 4 ming tonna
Boshqa davlatlar – 4 ming tonna.
Taʼkidlash kerak, oʻtgan 2025 yil davomida Oʻzbekistonda 2 mln 988 ming tonna goʻsht yetishtirildi. Bu avvalgi yilga nisbatan atigi 1,5 foizga koʻproq boʻldi. Aholining goʻshtga boʻlgan ehtiyojini qondirish maqsadida Oʻzbekiston xorijdan goʻsht olib kelishni ham sezilarli koʻpaytirgan. Jumladan, 2025 yilda 868,9 mln dollarlik goʻsht import qilingan boʻlsa, bu 2024 yilga nisbatan 70 foizga koʻproq boʻlgan.
