BMT: El-Nino sabab jahonda ocharchilikdan aziyat chekayotganlar soni salkam 50 mlnga oshishi mumkin
Vaziyat Markaziy Amerika va Janubiy Afrikadagi mamlakatlarda eng koʻp yomonlashishi taxmin qilingan. Hodisa Sharqiy Afrika, Janubiy Osiyo va Janubi-Sharqiy Osiyodagi hududlarga ham taʼsir qiladi.
BMTning Jahon oziq-ovqat dasturi (WFP) bayonotiga koʻra, 2027 yil oxiriga kelib, El-Nino iqlim hodisasi tufayli oziq-ovqat muammosiga duch kelayotgan odamlar soni kamida 49 millionga koʻpayishi mumkin. Bu 225 milliondan 274 milliongacha oʻsishni anglatadi.
Vaziyat Markaziy Amerika va Janubiy Afrikadagi mamlakatlarda eng koʻp yomonlashishi mumkin. Sharqiy Afrika, Janubiy Osiyo va Janubi-Sharqiy Osiyodagi hududlarga ham taʼsir qilishi mumkin.
Vaziyat allaqachon qashshoq mamlakatlarga, shuningdek, qurolli mojarolar, iqtisodiy beqarorlik va ekstremal ob-havo hodisalaridan aziyat chekayotgan mamlakatlarga eng koʻp taʼsir qiladi.
El-Nino (ispancha "kichik bola" degan maʼnoni anglatadi) - bu ekvatorial Tinch okeanidagi yer usti suvlari gʻayrioddiy darajada iliqlashadigan jarayon. Bu hodisa global haroratga va qirgʻoqboʻyi mamlakatlaridagi iqlimga taʼsir qiladi: odatda quruq mintaqalarda kuchli yogʻingarchilik kuzatiladi, boshqalari esa kuchli qurgʻoqchilikni boshdan kechiradi.
BMT maʼlumotlariga koʻra, El-Ninyo shu yilning sentabr va dekabr oylari orasida eng yuqori choʻqqisiga chiqadi. Biroq, hosildorlikka taʼsiri tufayli uning taʼsiri 2027 yilgacha davom etadi.
