Migratsiya agentligi masʼullari 1 mlrd soʻmdan oshiq byudjet pullarini talon-toroj qilgani aniqlandi
Ular xodimlarga ishlamagan davri va intizomiy jazo paytida ham ish haqi toʻlab berishgan.
Migratsiya agentligida 1 mlrd soʻmdan ortiq talon-torojliklar fosh etildi.
Bosh prokuratura huzuridagi Departamentning Toshkent shahri boshqarmasi tomonidan tergovga qadar tekshiruv oʻtkazildi.
Unda Migratsiya agentligining masʼul shaxslari agentlik xodimlari B.D. va N.A.ning amalda ishlamagan davri uchun 931,6 mln soʻm ish haqi sifatida hamda intizomiy jazo chorasi qoʻllanilgan va jazo amal qilgan davrda Mehnat kodeksining talablariga zid ravishda 8 nafar xodimga 88,5 mln soʻm toʻlab berishgan. Natijada byudjet mablagʻlarini rastrata yoʻli bilan talon-toroj qilganliklari aniqlangan.
Mazkur holat yuzasidan Jinoyat kodeksining 167-moddasi (oʻzlashtirish yoki rastrata yoʻli bilan talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.
