Sud-tibbiy ekspertiza markazi boʻlim boshligʻi tezkor tadbirda ushlandi
U OIV diagnostika laboratoriyasi laboranti bilan til biriktiriib, pora olishda gumonlangan.
Qashqadaryo viloyati OITSga qarshi kurashish markazining tumanlardan biridagi OIV diagnostika laboratoriyasi laboranti qoʻlga olindi.
U 1996 y.t. fuqaroga nisbatan tayinlangan ekspertiza xulosasini mansabdor tanishlari orqali uning foydasiga ijobiy hal qilib berish evaziga 3 ming AQSh dollari olgan vaqtida Davlat xavfsizlik xizmati va Bosh prokuratura huzuridagi Departament xodimlari tomonidan ashyoviy dalillar bilan ushlandi.
Soʻngra tezkor tadbir davom ettirilib, laborantdan 2,5 ming AQSh dollarini olgan vaqtida Respublika sud-tibbiy ekspertiza ilmiy-amaliy markazining tuman boʻlimi boshligʻi ham qoʻlga olindi.
