AQShdan deportatsiya qilingan 18 oʻzbekistonlik Toshkentga keltirildi
Jarayon doirasida fuqarolarning shaxsini aniqlash, zarur safar hujjatlarini rasmiylashtirish, tashkiliy-huquqiy masalalarni hal etish boʻyicha choralar koʻrilgan.
AQSh migratsiya qonunchiligi talablarini buzgani uchun deportatsiya qilingan 18 nafar Oʻzbekiston fuqarosi bugun maxsus charter reys orqali Toshkent xalqaro aeroportiga olib kelindi. Bu haqda “Dunyo” AA xabar berdi.
Hamyurtlarimizning vatanga qaytarilishi Oʻzbekiston va AQShning vakolatli idoralari oʻrtasidagi yaqin hamkorlik va muvofiqlashtirilgan saʼy-harakatlar natijasida amalga oshirildi.
Jarayon doirasida fuqarolarning shaxsini aniqlash, zarur safar hujjatlarini rasmiylashtirish, tashkiliy-huquqiy masalalarni hal etish hamda ularning xavfsiz qaytarilishini taʼminlash boʻyicha barcha choralar koʻrildi.
Oʻzbekiston xorijiy davlatlar bilan migratsiya sohasidagi hamkorlikni izchil rivojlantirib, noqonuniy migratsiyaning oldini olish, fuqarolarning xorijdagi huquq va qonuniy manfaatlarini himoya qilish, shuningdek, zarurat tugʻilganda ularning xavfsiz vatanga qaytarilishini taʼminlash yuzasidan tizimli ishlarni davom ettirmoqda, deyiladi xabarda.
