“Andijon suv taʼminoti” filiali boshligʻi qoʻlga olindi
U fuqaro xonadoniga kanalizatsiya tarmogʻi oʻrnatish uchun texnik shart qildirib berishini aytib 8,5 ming dollar olgan.
“Andijon suv taʼminoti” AJ Jalaquduq tumani filiali boshligʻi ushlandi.
Bosh prokuratura huzuridagi Departamentning Andijon viloyati boshqarmasi va boshqa huquqni muhofaza qiluvchi organ xodimlari hamkorligida tezkor tadbir oʻtkazilgan.
Unda “Andijon suv taʼminoti” AJ Jalaquduq tumani filiali boshligʻi K.T. fuqaro B.A.ning “Tuyalas” MFY hududidagi xonadoniga kanalizatsiya tarmogʻi oʻrnatish uchun texnik shart qildirib berishini aytib, K.T.ning topshirigʻiga koʻra 8 500 AQSh dollarini fuqaro M.Sh. olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari oʻtkazilmoqda.
